الرئيسية » » قلت الفضا باع النجوم للشمس | طارق مايز

قلت الفضا باع النجوم للشمس | طارق مايز

Written By Unknown on الثلاثاء، 30 يونيو 2015 | 7:54 ص

قلت الفضا باع النجوم للشمس
قلت الصدي حول صراخنا لهمس
دا الحلم ماسك طرف توب امي
همي ..... بقي همي
يا صرخة المولود في قلب المدي
لمي .....!!!
قلبي البرئ المرمي جوا ضلوعي بيغني
(امانه عليك ياليل طول )
انا عيل .....!
وانت كمان يا صاحبي بتليل
فارد حكمتك عل عقول البنات المحتاجين للعشق
راشق عنيك الحمرا ع السكك للضي
خايف من وجودي ف حكمتك
ولا مستني !!
خايف علي شكل اللقا ف القبر
خايف م اللي باع الوهم للتأريخ
خايف لا السراب الحلم يبقي صبر
يا صاحب العمر اللي طال
كل الحكايا أننا حلمين بساط قوي
بيحلموا
يتحققوا
في القلب والنني


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.