الرئيسية » » فى الكدر هناك | طارق مرسي أبو مروان

فى الكدر هناك | طارق مرسي أبو مروان

Written By Unknown on الأحد، 21 يونيو 2015 | 5:30 ص

فى الكدر هناك ....
و ف . أول شَعرة في رمش الشوف ..
أنا شفت عيون دبلانة بتسكن ركن الخوف ،
عايشة سنين العمر بتشكي .. 
تسقط منها دموعها المُرة
حروف وحروف .
***
فى الكدر هناك ....
أنا شفت شعاع بـ دراع مكسور
بيحاول يمسك غصن النور
تنزل دمعة !
وف . حضن التوب المتعطر
بأنين أكتر
بتقول : أنا جيت .
****
في الكدر هناك ...
أنا شفت البدر المتوضي بحنين الشمس
بيأدي صلاته و ف . صوته لهجه من الهمس
و الفجر أهو واقف مستني .. زيي و محتار
علشان ما بنسأل يوم بدري ..
ليه غاب الأمس ؟!
****
فى الكدر هناك ...
على غصن الليل المتحني بتراب البيت
واقف عصفورها و بيغني في العشق ... يا ريت
عمَّال بـ ينادي ... يا هنادي
بالحب أنا جيت .
****
فى الكدر هناك .....
واقف يا ضنايَ بتتشدق بحنين و أنين !
عايش أيامك و سنينك و الحلم رهين
عمَّال بتبحلق ف . الماضي ..
والماضي حزين ...
فى الكدر هناك ..


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.