الرئيسية » » هنا مكه بلد الخير والآمان | طه حنفي محمود طه

هنا مكه بلد الخير والآمان | طه حنفي محمود طه

Written By Unknown on السبت، 11 يوليو 2015 | 5:19 ص

هنا مكه بلد الخير والآمان من زمان يا مكه وأنا خايف أوصفك ليتهمونى بالجنان بس وصفى ليكى شرف لم يكن أبدا فى الحسبان مكه ولد فيها النبى المصطفى العدنان مكه هى أجمل وأروع وأحلى مكان لأ مكه مش مجرد مكان ولا مجرد بلد من البلدان تقدر تقول كده مكه أجمل من أجمل بستان يا مكه خبرينى ليه كل اللى عايش فيكى فرحان وليه كل اللى خرج منك زعلان وليه رافعه راسنا وإحنا فيكى للعنان أخبرنا ربنا ببيتك فى سورة آل عمران وهو أول بيت وضع للناس من زمان فيكى نزلت إقرأ أول أيه فى القرآن وفيكى نزلت أخر أيه من الواحد الديان فيكى الحرم الفرض فيه ب 100 ألف والله يضاعف كمان فيكى نبع إلهى بيروى كل ظمئان بيروى الملايين وبرضوا بالخيرمليان طب خبرينى إنتى يازمزم ليه كل ما أشرب منك بكون فرحان وليه مهما أشرب منك برضوا عطشان طب إزاى بتكونى طعام للجعان وإزاى بتكونى شفاء للعيان مكه فيها الكعبه تحت عرش الرحمن مهبط قلوب البشر وراحة التعبان يا كعبه خبرينى إزاى بكون بطوف حولك وقلبى هايم بالطيران وليه لما بشوفك بسأل ربى العفو والغفران وليه وأنا جنبك قلبى بالإيمان عمران وليه وأنا جنبك بصلى كتير ومش كسلان وليه وأنا جنبك منيش خايف ولا جبان وليه وأنا جنبك ببقى خايف بس من الحرمان وليه وأنا جانبك بالى رايق ومش حيران طب إزاى بتروى قلبى بالتراويح فى شهر رمضان وإزاى بتخلى كل المسلمين حولك إخوان طب ليه وأنا قريب منك دايماً كسبان وإزاى أكون لسه مصلى الضحى ويسألونى إنت ليه سهران طب بالله تخبرنى لما إنتى مش أمى ليه بتعطينى الحنان ولما إنتى مش صبيه إزاى خطفتى قلوب الشبان وليه إنتى منوره فى كل أوان وليه دايما سحرك فتان وليه لما بشوفك بنسى العالم وبكون سرحان أتأملك زى العاشق الولهان وليه حبك فى دمى بالشريان طب أنا طالب القرب والمهر مالى وعمرى والفرقان يا عرفه بالله تعرفنى ليه كل اللى حاج معترفلك بالفضل والعرفان وإنتى يا منى خبرينى ليه اللى حاج بيحكيلك الأسرار ومش خجلان وإنتى يا مزدلفة ليه اللى حاج بيكى هيمان يا حمام الحرم خبرنى إزاى بتبنى عشك فى الوجدان ياغار حراء خبرنى ليه كل الجبل منك غيران يا مكه يا حبيبتى وهبك عجائب الواحد المنان وفيكى أسرار حيرت كل العقول والأذهان دا لما خرجوا خير البشر منك كان غضبان وبيقلولى أنا أوصفك دا مستحيل يوصفك إنسان



التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.