الرئيسية » » أيـــوب | طارق مرسي أبو مروان

أيـــوب | طارق مرسي أبو مروان

Written By Unknown on الثلاثاء، 7 يوليو 2015 | 2:51 ص

أيـــوب ...
يا موجة بحرنا الهايج ..
يا توهة قلبنا الحيران
سنين العمر مخطوفة 
و شيفنها مع الغربان
بتنهشها و ترميها ,
و تقتلها كمان و كمان
يعيش راضي يموت منصور
مهو بموته .. يكون مندور
ليسكن جنة الرحمن
سلاحه ف . أيده كان صاحي
يصلي ويَّا كل أدان
يدافع عني يحميني
من التوهه من الحرمان ،
وأمه أكيد بتدعي له
وكل الأهل و الجيران
مهو مسافر لموت أسود
و روحه كلها إيمان
يزيل الشر عن أرضه
و يحميها من الغربان
و يوم جاني خبر فاجع
و كنت بصلِّي ف . الجامع
قالوا لي ربنا اختاره
ليسكن جنة الرضوان
حمدت الله على أمره
و قلت فداكِ يا أوطان
و دمع العين يواسني
و قلبي يومها كان فرحان
هشوفك يا بني ف . الجنة
تناديني من الريان
و تشفع ليَّا و لأمك
تنادي حضنها .. يضمك
تقوم تجري كما الرهوان
تسابق في الفضا طيفك
و تكتبها على الجدران
شهيد الحب و العزة
" دا كان راجل .. دا كان إنسان "

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.